ტყე მცენარეებისა და ცხოველების უმდიდრესი სახმელეთო რეზერვუარია. ტყის ძირითადი დამახასიათებელი ნიშანია მრავალი ხის ერთად თავმოყრა მაგრამ მასში ბევრი სხვა მცენარეც იზრდება. პლანეტის სხვადასხვა კლიმატურ სარტყელში სხვადასხვა ტიპის ტყეებს ვხვდებით. ყველაზე ტყიანი კონტინენტი სამხრეთ ამერიკაა. ტყეები მისი ტერიტორიის თითქმის ნახევარს ფარავენ. არის ქვეყნები - მაგალითად სურინამი და საფრანგეთის გვიანა, რომლებიც თითქმის მთლიანად ტყითაა დაფარული. ზოგიერთ რეგიონში ტყეები თითქმის არ არის. ასეა მაგალითად სამხრეთ-დასავლეთი აზიის ქვეყნებში. ამ ქვეყნებში ტერიტორიების უმეტესობა უდაბნოა, იქ ბევრია ნავთობითა და გაზით მდიდარი საბადოები. აფრიკაში, სუბტროპიკულ სარტყელში განლაგებულია ვრცელი, ბალახით დაფარული ტერიტორიები - სავანები. იქ ხეები ცალ-ცალკე და ერთმანეთისგან ძალზე დაშორებით დგანან. რიგორც წესი ეს აკაციები ან ბაობაბებია.
No comments:
Post a Comment