მთიანი აჭარის რეგიონი ქედის, შუახევის და ხულოს მუნიციპალიტეტებს მოიცავს. თითოეული მათგანი მდიდარი და მრავალფეროვანი ბუნებით გამოირჩევა. ძალზედ საინტერესო გეოგრაფიულ რელიეფს ქმნის მესხეთის, არსიანისა და შავშეთის ქედები, რომელთა საშუალო სიმაღლე ზღვის დონიდან 2000-2500 მეტრია.
ქედის მუნიციპალიტეტი ქედაში ხშირად სტუმრობენ მახუნცეთის ჩანჩქერს, სადაც ამავდროულად განლაგებულია საპიკნიკე ადგილებიც. მუნიციპალიტეტის ტერიტორიაზე აჭარისწყლისა და მთის მდინარეების ხეობებში შესაძლებელია, როგორც ფლორისა და ფაუნის მრავალფეროვანი ნიმუშების, ასევე ჩანჩქერების მონახულება. მრავალფეროვანია ცხოველთა სამყარო. რეგიონი მდიდარია სამკურნალო და მინერალური წყლებით.
შუახევის მუნიციპალიტეტი შუახევის რეგიონი, მდიდარი ფლორითა და ფაუნით გამოირჩევა. სოფლის მეურნეობა შუახევის ეკონომიკის მთავარ დარგს წარმოადგენს. შუახევი ცნობილია ზამთრის კურორტით - გომარდული.
ხულოს მუნიციპალიტეტი ხულო მთიანი აჭარის ულამაზესი კუთხეა. გამორჩეულია, როგორც ბუნების სიმდიდრით, ისე კულტურული ღირშესანიშნაობებითა და ისტორიული წარსულით. ხულოს ტერიტორიაზე მდებარეობს ულამაზესი მწვანე ტბა, ხულოს მუნიციპალიტეტში მდებარეობს ისეთი მთიანი კურორტები როგორიცაა: ბეშუმი - საზაფხულო კურორტი, ხოლო ზამთრის კურორტები კი გოდერძის უღელტეხილზე მდებარეობს, ქედლებსა და დანისპარაულში.
No comments:
Post a Comment